Daniel Aranzubia

Daniel Aranzubia

Biografía
Nacemento	18 de setembro de 1979 (45 anos) Logroño, España
Altura	186 cm
Peso	82 kg
Actividade
Ocupación	futbolista
Período de actividade	2001 - 2014
Deporte	fútbol
Posición de xogo	Gardameta
Traxectoria   Deporte base 1994–1997 Athletic Club   Equipo 1996–2000   Bilbao Athletic 70 (0) 1997–1998 CD Basconia 31 (0) 2000–2008   Athletic Club 162 (0) 2008–2013   Deportivo da Coruña 178 (1) 2013–2014   Atlético de Madrid 1 (0)   Selección nacional 1995–1996   España sub-16 3 (0) 1998–1999   España sub-20 9 (0) 1999–2001   España sub-21 17 (0) 2000–2000   España sub-23 6 (0) 2000–2000   España Olímpica 6 (0) 2004–2004   España 1 (0)
Participou en
2004	Eurocopa de Fútbol Portugal 2004
2000	Xogos Olímpicos de 2000

Daniel Aranzubia Aguado, nado en Logroño o 18 de setembro de 1979, é un exfutbolista español. Xogaba de porteiro e foi internacional coa selección española.

Traxectoria

Aranzubia nun Athletic-Celta (29 de outubro de 2005)

Formado nas categorías inferiores do Athletic Club, no 2000 incorporouse ao primeiro equipo. Na súa primeira temporada xoga tan só dous partidos de liga. Debuta na Primeira división española o 10 de abril do 2001 nun partido Athletic 1-3 Real Sociedad. Ata a temporada 2006/07 (inclusive) xogou un total de 152 partidos de liga en Primeira división.

Durante o verán do 2007 estivo a piques de ser fichado polo Real Zaragoza, pero finalmente, decidiu quedar no Athletic.

No 2008 decide rematar o seu ciclo co Athletic e comezar un novo no Deportivo, baixo as ordes de Miguel Ángel Lotina. Aquí consegue facerse axiña coa titularidade do equipo encadeando unha serie de boas actuacións que lle fan recuperar o seu mellor nivel logo das últimas temporadas un tanto irregulares no Athletic de Bilbao.

O 20 de febreiro de 2011 anota contra o UD Almería o seu primeiro gol como profesional, ao rematar dentro das mallas un saque de esquina no minuto 94 de partido, significando o 1-1 definitivo, sendo este un gol histórico ao ser a primeira vez que un porteiro marca de cabeza na Primeira División Española.

Selección nacional

Asiduo as categorías inferiores da Selección de España, foi campión do mundo Sub-20 de 1999 e medalla de prata nos Xogos Olímpicos de Sidney 2000. Aranzubia foi o porteiro titular en ambas finais.

Coa selección absoluta de España disputou un encontro. Foi un partido amigable contra Andorra xogado o 5 de xuño do 2004, no que Aranzubia xogou a media hora final. Posteriormente, integrou o combinado español que participou na Eurocopa 2004 como porteiro suplente. Aranzubia non volveu ser convocado pola selección española tras a dimisión do seleccionador Iñaki Sáez, que fora o seu técnico nas categorías inferiores e quen lle fixo debutar coa absoluta.

Palmarés

Deportivo

• Segunda División: 2011–12

Atlético de Madrid

• Primeira División: 2013–14

España sub-20

• Copa Mundial de fútbol sub-20: 1999

España sub-23

• Xogos Olímpicos: Medalla de prata 2000

Véxase tamén

Ligazóns externas

• Datos do xogador en bdfutbol.com (en castelán)
• Datos do xogador en fifa.com Arquivado 20 de agosto de 2009 en Wayback Machine. (en inglés)
• Datos do xogador en futbol.sportec.es (en castelán)